Google ADS

Bislimi: Kosova promovon tregtinë e lirë, Serbia e ka penguar eksportin përmes barrierave jotarifore

14:02 | 9 Tetor 2024
E.H

Zëvendëskryeministri Besnik Bislimi ka deklaruar se Kosova promovon tregtinë e lirë.

Sipas tij, është Serbia ajo që përmes barrierave të vazhdueshme jotarifore ka penguar eksportin e Kosovës drejt Serbisë.

“Kosova promovon tregtinë e lirë dhe beson në përparësitë që sjell tregtia e lirë në rajon. Ka qenë Serbia ajo që përmes barrierave të vazhdueshme jotarifore ka penguar eksportin e Kosovës drejt Serbisë dhe eksportuesit tanë e dëshmojnë shumë herë se për ne është shumë më lehtë të eksportojmë në vende të largëta si Norvegjia apo Portugalia, sesa në Serbi, për shkak të barrierave që na vendosen atje”, ka thënë Bislimi në një konferencë për media.

“Ajo që ka ndodhur është hapja e vetëm një pike kufitare me kontrolle të shtuara të sigurisë për arsye se edhe për Bashkimin Evropian është e qartë që siguria është më e rëndësishme se liria e lëvizjes së mallrave dhe kapitaleve”, tha Bislimi./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm